Кіраўнік Нацбанка расказаў, што ў беларускай эканоміцы ўзнікла «новая з'ява»

28 чэрвеня 2024 у 1719558960
«Зеркало»

Спажывецкае крэдытаванне з пачатку года вырасла на 10%, а кампаніі часцей бяруць пазыкі ў рублях. Пра гэта расказаў кіраўнік Нацбанка Павел Калаўр, піша БЕЛТА.

Ілюстрацыйны здымак. Фота: TUT.BY

- За пяць месяцаў прырост крэдытных партфеляў юрыдычных асоб склаў 10,8%, пры гэтым прырост і доўгатэрміновых крэдытаў, - расказаў Павел Калаўр. - Банкі таксама нядрэнна пракрэдытавалі і попыт спажыўцоў - фізічных асоб. Прырост крэдытнага партфеля спажывецкага крэдытавання вырас на 10,7%.

Паводле яго звестак, з пачатку года рост крэдытаў у рублях склаў 34%.

- Мы назіраем вельмі цікавую тэндэнцыю, калі попыт на крэдыты ў беларускіх рублях вельмі значна перавышае попыт крэдытавання ў валюце. Гэта такая новая з'ява для нашай эканомікі, яно паказвае дэвалютызацыю непасрэдна крэдытавання.

Як вынікае са звестак Нацбанка, у красавіку сярэдняя працэнтная стаўка па новых крэдытах у замежнай валюце для кампаній трымалася на ўзроўні 15,78%. Па рублёвых крэдытах яна ў тым жа месяцы была 10,12%.

Таксама рэгулятар паведамляе, што ў траўні гэтага года даўгі кампаній па банкаўскіх крэдытах у замежнай валюце знізіліся з 7,17 млрд даляраў да 6,18 млрд. Для параўнання: у пачатку гэтага года яны складалі 6,56 млрд даляраў.

Нагадаем, крэдыты ў замежнай валюце даступныя кампаніям і ІП, аднак іх не можа браць насельніцтва.

Раней Нацбанк заяўляў, што праз павышаны попыт на банкаўскія пазыкі бачыць дэвальвацыйныя і інфляцыйныя рызыкі. Таксама рэгулятар раней дапускаў, што ў 2024 годзе давядзецца ўключаць друкавальны станок і «заліваць» эканоміку грашыма, каб падтрымаць рубель.

Чытайце таксама